മുംബൈ: വ്യാപാരം അവസാനിച്ച ഇന്ന് ഓഹരി സൂചികകള്‍ നഷ്ടത്തില്‍ ക്ലോസ് ചെയ്തു. സെന്സെക്സ് 162.35 പോയന്റ് താഴ്ന്ന് 34,184.04ലിലും നിഫ്റ്റി 61.40 പോയന്റ് നഷ്ടത്തില്‍ 10,492.90ലുമാണ് വ്യാപാരം അവസാനിപ്പിച്ചത്. ആഗോള വിപണികളിലെ നഷ്ടമാണ് രാജ്യത്തെ സൂചികകളെയും ബാധിച്ചത്.
സ്വകാര്യ ബാങ്കുകള്‍, ഓട്ടോ, എഫ്എംസിജി തുടങ്ങിയ വിഭാഗങ്ങളിലെ ഓഹരികളാണ് പ്രധാനമായും നഷ്ടമുണ്ടാക്കിയത്. ബിഎസ്ഇയിലെ 1123 കമ്പനികളുടെ ഓഹരികള്‍ നേട്ടത്തിലും 1573 ഓഹരികള്‍ നഷ്ടത്തിലുമായിരുന്നു.
ഇന്‍ഫോസിസ്, ഏഷ്യന്‍ പെയിന്റ്സ്, സിപ്ല, ഹിന്‍ഡാല്‍കോ, റിലയന്‍സ്, വിപ്രോ, ടെക് മഹീന്ദ്ര, ഹീറോ മോട്ടോര്‍കോര്‍പ്, എസ്ബിഐ, ഡോ.റെഡ്ഡീസ് ലാബ്, കോള്‍ ഇന്ത്യ തുടങ്ങിയ ഓഹരികള്‍ നേട്ടത്തിലായിരുന്നു.
വേദാന്ത, ഐസിഐസിഐ ബാങ്ക്, ഹിന്ദുസ്ഥാന്‍ യുണിലിവര്‍, ആക്സിസ് ബാങ്ക്, സണ്‍ ഫാര്‍മ, എച്ച്ഡിഎഫ്സി, എച്ച്ഡിഎഫ്സി ബാങ്ക്, ലുപിന്‍, ടാറ്റ മോട്ടോഴ്സ്, ഐടിസി തുടങ്ങിയ ഓഹരികള്‍ നഷ്ടത്തിലുമാണ് ക്ലോസ്ചെയ്തത്.
