ശ്രീനഗര്‍: ജമ്മു കശ്മീരിലെ ചാംബ്ലിയല്‍ മേഖലയില്‍ പാകിസ്താന്‍ നടത്തിയ വെടിവെപ്പില്‍ നാല് ബിഎസ്എഫ് ജവാന്‍മാര്‍ക്ക് വീരമൃത്യു. കൊല്ലപ്പെട്ടവരില്‍ അസിസ്റ്റന്‍ഡ് കമാന്‍ഡന്റും ഉള്‍പ്പെടും. വെടിവെപ്പില്‍ അഞ്ച് പേര്‍ക്ക് പരിക്കേറ്റു. ഇന്ന് പുലര്‍ച്ചെയാണ് സംഭവം.
റംസാനിനോട് അനുബന്ധിച്ച് വെടിനിര്‍ത്തല്‍ പ്രഖ്യാപിച്ചതിനു ശേഷമാണ് ഇത്തരമൊരു നീക്കം പാകിസ്താന്റെ ഭാഗത്തു നിന്നുണ്ടാവുന്നത്. അന്താരാഷ്ട്ര അതിര്‍ത്തിയില്‍ യാതൊരു പ്രകോപനവും ഇല്ലാതെയാണ് പാകിസ്താന്‍ വെടിയുതിര്‍ത്തത്.
ചൊവ്വാവ്ച രാത്രി 10.30ന് ആരംഭിച്ച വെടിവെപ്പ് പുലര്‍ച്ചെ 4.30 വരെ തുടര്‍ന്നു. മരിച്ച മൂന്ന് ജവാന്‍മാരെ തിരിച്ചറിഞ്ഞു. അസിസ്റ്റന്റ് കമാന്‍ഡന്റി ജതീന്ദര്‍ സിങ്,അസിസ്റ്റന്റ് സബ് ഇന്‍സ്പെക്ടര്‍ രാം നിവാസ്, കോണ്‍സ്റ്റബിള്‍ ഹാന്‍സ് രാജ് എന്നിവരാണിവര്‍.
