മുംബൈ : കഴിഞ്ഞ 25 വര്‍ഷങ്ങള്‍ക്കിടയിലെ ഏറ്റവും മികച്ച ലോകടീമിനെ തിരഞ്ഞെടുത്തപ്പോള്‍ നായകനായി ഇന്ത്യന്‍ താരം എംഎസ് ധോണി. ഇഎസ്പിഎന്‍ ക്രിക്ക് ഇന്‍ഫോയാണ് കഴിഞ്ഞ 25 വര്‍ഷങ്ങള്‍ക്കിടയിലെ മികച്ച 11 അംഗ ടീമിനെ തിരഞ്ഞെടുത്തത്.
ധോണിയെ കൂടാതെ ഇന്ത്യയില്‍ നിന്ന് ക്രിക്കറ്റ് ഇതിഹാസം സച്ചിന്‍ ടെന്‍ഡുല്‍ക്കറും നായകന്‍ വിരാട് കോഹ്ലിയും ഇടംപിടിച്ചു. ഇപ്പോള്‍ കളിക്കുന്നവരില്‍ നിന്ന് ധോണിയും കോഹ്ലിയും മാത്രമാണ് കാല്‍ നൂറ്റാണ്ടിലെ ഏറ്റവും മികച്ച ടീമില്‍ തിരഞ്ഞെടുക്കപ്പെട്ടത്.
ആദം ഗില്‍ക്രിസ്റ്റാണ് സച്ചിനൊപ്പം ടീമില്‍ ബാറ്റിംഗ് ഓപ്പണ്‍ ചെയ്യുന്നത്. ടീമിന്റെ വിക്കറ്റ് കീപ്പറും ഗില്‍ക്രിസ്റ്റാണ്. ധോണിയ്ക്ക് ക്യാപ്റ്റന്‍ കം ബാറ്റ്‌സ്മാന്‍ റോളാണ് നല്‍കിയിരിക്കുന്നത്.
വിരാട് കോഹ്ലി, ബ്രായാന്‍ ലാറ, എബി ഡിവില്ലേഴ്‌സ്, ജാക്കിസ് കല്ലീസ്, എംഎസ് ധോണി എന്നിവരാണ് മറ്റ് ബാറ്റ്‌സ്മാന്‍മാര്‍. വസീം അക്രം, ഗ്രെന്‍ മെഗ്രാത്ത് എന്നീ പേസര്‍മാരും ഷൈന്‍ വോണ്‍, മുത്തയ്യ മുരളീധരന്‍ എന്നീ സ്പിന്നര്‍മാരും ഇഎസ്പിഎന്‍ ക്രിക്കറ്റ് ഇന്‍ഫോ ടീമില്‍ ഇടംപിടിച്ചു.
