മോസ്‌കോ: ആഹാരവും ഇന്ധനവും മറ്റുമടങ്ങുന്ന മൂന്ന് ടണ്‍ സാധനങ്ങള്‍ രാജ്യാന്തര ബഹിരാകാശ നിലയത്തില്‍ റെക്കോഡ് വേഗത്തില്‍ എത്തിച്ച് റഷ്യന്‍ ബഹിരാകാശ ഏജന്‍സി റോസ് കോസ്‌മോസ്. ‘പ്രോഗ്രസ് 70’ എന്ന ആളില്ലാ പേടകമാണ് ഇവയെല്ലാം ബഹിരാകാശ നിലയത്തിലെത്തിച്ചത്.
സാധാരണയായി രണ്ട് ദിവസമെങ്കിലും വേണ്ടി വരുന്ന യാത്രയ്ക്ക് മൂന്നു മണിക്കൂറും 48 മിനിറ്റുമാണ് പ്രോഗ്രസിന് വേണ്ടി വന്നത്. സോയൂസ് ബൂസ്റ്റര്‍ റോക്കറ്റിന്റെ പുതുപതിപ്പ് ഉപയോഗിച്ചതുകൊണ്ടാണ് ഇത്ര കുറഞ്ഞ സമയത്തിനുള്ളില്‍ ദൗത്യം പൂര്‍ത്തിയാക്കാന്‍ കഴിഞ്ഞതെന്ന് റഷ്യന്‍ ബഹിരാകാശ ഏജന്‍സി അറിയിച്ചു.
നാസയിലെയും യൂറോപ്യന്‍ ബഹിരാകാശ ഏജന്‍സിയിലെയും റഷ്യയിലെയും ആറ് യാത്രികരാണ് ഇപ്പോള്‍ അന്താരാഷ്ട്രനിലയത്തിലുള്ളത്.
