ആലപ്പുഴ/കോട്ടയം: മഴക്കെടുതികള്‍ തുടരുന്ന പശ്ചാത്തലത്തില്‍ കോട്ടയം, ആലപ്പുഴ ജില്ലകളിലെ വിദ്യാഭ്യാസ സ്ഥാപനങ്ങള്‍ക്കു ജില്ലാ കളക്ടര്‍മാര്‍ തിങ്കളാഴ്ച നിയന്ത്രിത അവധി പ്രഖ്യാപിച്ചു. കുട്ടനാട്ടിലെ താലൂക്കിലെ എല്ലാ വിദ്യാഭ്യാസ സ്ഥാപനങ്ങള്‍ക്കും ദുരിതാശ്വാസ ക്യാമ്പുകള്‍ പ്രവര്‍ത്തിക്കുന്ന സ്‌കൂളുകള്‍ക്കും നാളെ അവധിയായിരിക്കും.
കോട്ടയം ജില്ലയില്‍ ചങ്ങനാശ്ശേരി മുന്‍സിപ്പാലിറ്റിയിലെയും വാഴപ്പള്ളി, കുറിച്ചി, പായിപ്പാട് എന്നീ പഞ്ചായത്തുകളിലെയും പ്രഫഷണല്‍ കോളേജ് ഒഴികെയുള്ള വിദ്യാഭ്യാസ സ്ഥാപനങ്ങള്‍ക്കും ദുരിതാശ്വസ ക്യാമ്പ് പ്രവര്‍ത്തിക്കുന്ന വിദ്യാലയങ്ങള്‍ക്കും നാളെ അവധി പ്രഖ്യാപിച്ചിട്ടുണ്ട്.
