ന്യൂഡല്‍ഹി: കുട്ടികള്‍ക്കെതിരായ ലൈംഗിക പീഡനക്കേസില്‍ വധശിക്ഷ പരിഹാര മാര്‍ഗമല്ലെന്ന് സുപ്രീം കോടതിയില്‍ കേന്ദ്ര സര്‍ക്കാര്‍. 2012ലെ പോക്സോ നിയമത്തില്‍ തന്നെ ബാലലൈംഗിക പീഡനങ്ങള്‍ക്കുള്ള കടുത്ത ശിക്ഷ പരമാര്‍ശിച്ചിട്ടുണ്ടെന്നും വധശിക്ഷ എല്ലാ ശിശുപീഡനങ്ങള്‍ക്കുമുള്ള ഉത്തരമല്ലെന്നുമാണ് കോടതിയില്‍ വ്യാഴാഴ്ച്ച അഡീഷണല്‍ സോളിസിറ്റര്‍ ജനറല്‍ പറഞ്ഞത്.
എട്ട് മാസം പ്രായമായ കുട്ടിക്കെതിരായ ലൈംഗീക പീഡനക്കേസില്‍ പ്രതിക്ക് വധശിക്ഷ കൊടുക്കണമെന്ന് ആവശ്യം ഉയര്‍ന്നപ്പോള്‍ ആയിരുന്നു കേന്ദ്ര സര്‍ക്കാര്‍ നിലപാട് അറിയിച്ചത്. പോക്സോ നിയമപ്രകാരം കെട്ടിക്കിടക്കുന്ന കേസുകള്‍, വിചാരണ പൂര്‍ത്തിയാകാന്‍ എടുത്ത കാലയളവിന്റെന കണക്കുകളും ഹാജരാക്കാന്‍ സുപ്രീംകോടതി ആവശ്യപ്പെട്ടിട്ടിണ്ട്.
കേസില്‍ അടുത്ത വാദം മാര്‍ച്ച് 12ന് കേള്‍ക്കും. പീഡനത്തിന് ഇരയായ കുട്ടി എയിംസില്‍ ചികിത്സയില്‍ കഴിയുകയാണ്.
